Buuggan waxaa loogu talagalay inuu noqdo hage wax ku ool ah oo ka caawinaya akhristaha inuu fahmo macnaha khilaafka, sababaha keena, saamayntiisa, iyo hababka ugu habboon ee lagu xallin karo iyadoo la raacayo Qur’aanka Kariimka ah, Sunnada Nabiga صلى الله عليه وسلم iyo waaya-aragnimada bulshada soomaliyeed. Waxaa sidoo kale buuggu si gaar ah u iftiiminayaa doorka culimada, hoggaamiyeyaasha bulshada, waalidiinta, dhalinyarada iyo dhamaan xubnaha bulshada ee ilaalinta nabadda iyo xallinta khilaafaadka. Ujeeddada ugu weyn ee buuggan ma aha oo keliya in la sharaxo khilaafka, balse waa in la barto lana dhiso dhaqan ku salaysan is-qaddarin, dulqaad, wada-tashi, is-cafis iyo caddaalad, si loo helo bulsho nabdoon oo isku duuban.
