QOFKU WAA SIDA UU U FEKERO PDF

Buuggan waxa uu ku barayaa sidii aad u yeelan laheyd hab fikir toosan oo tayo leh. Waxa uu kuu bidhaaminayaa faa'idooyinka aad ka dhaxli kartid marka aad si togan oo tayeysan u fakartid. Sidoo kale waxa uu kuu caddaynayaa dhibaatooyinka iyo carqaladaha aad ka dhaxli kartid u fakaridda si taban (qalloocan) oo liidata waxa aad ogaaneysaa sida awoodda fekerka iyo caqliga qofku, ay u qaabeeyaan shakhsiyadda qofka, dhibaatooyinka nolosha iyo aayatiinka nolosha ee qofkaas.
Qofku waa sida uu u fakaro, Haddii aad wanaag, barwaaqo iyo nabad ku fakartid, waxa aad ku noolaaneysaa nolol raaxo iyo deggenaan leh haddii aad xumaan iyo dhib ku fakartidna waxa aad ku noolaaneysaa nolol liidata oo hooseysa. Ma dhacayso in aad baraaro iyo farxad gaartid hadii aadan maskaxdaada ku beerin aragtiyo baraare leh. Sidaas darteed ogoow adiga ayaa maamula aragtiyadaada, adiga ayaa qaabeeya halka iyo jawiga aad ku noolaanaysid.