Weedhan waxa loola jeedaa in qaabka ay maanta aqoontu u kala taallo ee ay u
kala edagaysan tahay, laga badalo oo la isku dhafo. Tusaale: Jaamacadaha waxa
lagu dhigtaa kulliyado kala duwan oo mid walba uu ardaygu ku qaato muddo
dheer oo aan u dhigmin xogta kooban ee uu aqoonta ka helay, marka uu ka baxo
kulliyadaana uu isu yaqaano - sida badan- qof aqoonti bartay oo aan wax kale u
baahnayn. Markaa dhiganehani waxa uu keenayaa Mashruuc ah in aqoontan
madaxa la isu galiyo, sidi ay isu raaci karaanna la isu raaciyo culuumta, oo uu
ardaygu awood u yeesho isla muddadi uu hal kulliyad kaga bixi jiray in loogu dhigo
aqoonti lagu dhigi jiray saddex kulliyadood oo kala gaddisan, sidaasna uu qofku
kaligii u dhigmo saddex qof oo ka ku kala takhususay saddex fiil oo ka mid ah fiilalka aqoonta ama ka badanba.
Qisadayda Dhiganehan
Sanadkii 2020 ayaa aan xarunta cilmi-baadhista iyo waxabarshada ee Namaa’,
waxa aan iska diiwaangaliyey Cilmu-nafsiga. Ka dibna maamulka xarunta ayaa
waxa ay dhaheen inta aan waxbarshada la idiin bilaabin waxa aad maraysaan
Tijaabo la idinku kala saarayo, waxaana uu ardaygu kala dooranayaa:
- In uu cilmi-baadhis sameeyo.
- Iyo in uu dhigane akhriyo, ka dibna uu Imtixaan ku galo.
Anigu waxa aan ku jiray ardaydi dooratay in ay dhiganeha akhriyaan, Alle
mahaddii dhiganihi nalagu yidhi akhriya waxa uu ahaa kan aynu soo koobayno ee
(Is-dhexgalka aqoonta iyo dhammaadka Takhasuska). Waxa ay maamulka
xaruntu noo sheegeen in aanaan ogolaansho u haysanin in aanu faafinno oo aanu
cid kale la wadaagno dhiganehan, waxa markaa wax badan maskaxdayda ku soo
noqnoqanayey Mashruucan badbaadiyeha ah, ee muhiimka u ah aadanaha
maanta nool, si gaar ah dadka muslimiinta ah ee lanoo diiday in aanu u faafinno
dhigane-haas dheemmanka ah iyo sida ay dadkayga soomaalida ahi si gaar ah ugu
sii baahanyihiin.
Waa aan iska daayey, oo sidi ayaa aan u haystay dhiganahan, marki ay ka soo
wareegtay laba sano ayaa aan mareegaha Enternatka ka baadhay; inlayn kan aan
haysto ogolaansho uma haystee, wax aan baadho oo kolba Wabsite been ii sheego
oo inta ay magaca dhiganeha qoraan PDF raaciyaan, lingaxyo aan jirin oo
ujeedkoodu yahay kaliya in aan iyaga dhex imaaddo oo aan ku habaabo
waxyaabaha ay ku baahiyeen bartoodaba kama danbaysti Wabsite baan ka helay,
kii oo la ogalaaday in la faafiyo. Marki baan farxad kala batay oo aan arkay in
bulshadayda soomaalida ah uu guul mustaqbal u yahay. Aqris wacan oo ka faa'ideyso buug yarahaan.
