Illaahay ayaa mahad oo dhani u sugnaatay, Illaaha inoo tilmaamay
dariiqa toosan, Illaaha inoo kala cadeeyay nidaamka nolasha bani
aadamku ku guuleysanayo iyo nidaamka ay ku hoogayso. Naxariis iyo
nabad-gelyo ha ahaato rasuulkeena Muxammad (SCW) dushiisha.
Rasuulka ina soo gaadhsiiyay farriinta cad ee inagu hagaysa dariiqa
guusha if iyo aakhiraba.
Intaa kadib, Kitaab-yarahani waxa uu si qoto dheer uga hadli doonaa
ribada iyo mawqifka uu Islaamku ka taagan yahay.
Sanadkii 2014 waxa dalka ka bilaabmay olole lagu doonayo in dalka
laga hirgeliyo bangiyada ku shaqeeya ribada. Buuggan oo ka kooban
muxaadarooyin xidhiidh ah oo lagu qabtay isla sannadkaas masaajidka
Cali Mataan waxa uu ka hadlayaa khatarta if iyo aakhiro ee ay
leedahay ribadda. Muxaadarooyinkan waxa soo jeediyay culimada waaweyn ee dalka iyo
aqoonyahano cilmi dheer u leh nidamka dhaqaalaha ee Islaamka.
Buuggani waxa uu qofka akhriya siinayaa aqoon qoto dheer oo la
xidhiidha ribada, khatarta ribada, nidaamka dhaqaale ee Islaamka,
kaalinta bangiyada Islaamku ka qaataan kobcinta dhaqaalaha iyo
mawduucyo badan oo faaiido leh.
Waan ka helay
Mashaa allah ilahey garabkaa ha galo wll qofkaa.tahay bo
Bro allah ku sharfo dhalinta somaliyed role model koda aya thy ee hore u soco👌